जन्तीबस दुर्घटनामा धमला र परियारको मृत्यु

-- नेपाली टाईम्स अष्ट्रेलिया ?>

हेटौंडा-  भक्तपुरबाट जन्ती लिएर हेटौंडा आउँदै गरेको बस दुर्घटना हुँदा मृत्यु हुने दुवै जनाको परिचय खुलेको छ । जिल्ला प्रहरी कार्यलय मकवानपुरका डीएसपी यज्ञ प्रसाद भट्टराईले दिएको जानकारी अनुसार मृत्यु हुनेमा नुवाकोट घर भई बालाजु बस्ने बिकास धमला र भक्तपुर घर भएका नवराज परियार रहेका छन् । उनीहरुको घटनास्थलमै मृत्यु भएको जनाइएको छ ।

कान्तिलोकपथ हुँदै हेटौंडा आउँदै गरेको जन्ती बोकेको बा ४ ख २२१७ नम्बरको बस मकवानपुरको गढी गाउँपालिका – २ शिखरकटेरी नजिक दुर्घटना भएको थियो ।

दुर्घटनामा १० जना घाइते भएको घाइतेहरुको भट्टराईले जानकारी दिए । घाइतेहरुको हेटौंडा अस्पताल र चुरेहिल अस्पतालमा उपचार भइरहेको छ ।

घाइते मध्ये ३ जनाको अवस्था गम्भीर रहेको प्रहरीले जनाएको छ । बस सडकबाट करिब २० मिटर तल खसेर रुखमा अड्किएको डीएसपी भट्टराईले बताए ।