राष्ट्रियसभाको निर्वाचन आज
काठमाडौं- राष्ट्रिय सभाको एक तिहाइ सदस्यका लागि आज विहीबार सातवटै प्रदेशमा निर्वाचन हुने भएको छ । मतदानका लागि आवश्यक सम्पूर्ण तयारी पूरा भएको निर्वाचन आयोगले जनाएको छ ।
यस निर्वाचनमा ४५ जना उम्मेदवार चुनावी मैदानमा उत्रिएका छन् । त्यसमा महिला समूहतर्फ १६ जना, दलित समूहत
तर्फ ५ जना, अपा·ता भएका व्यक्ति वा अल्पसंख्यक समूहतर्फ ५ जना र अन्य समूहतर्फ १९ जना रहेका छन् । प्रदेश १ मा रिक्त महिला, दलित र अन्य समूहमा ३/३ जनाका दरले जम्मा ९ जना उम्मेदवार रहेका छन् ।
प्रदेश २ मा रिक्त महिला, दलित, अपा·ता भएका व्यक्ति वा अल्पसंख्यक र अन्य समूहमा २/२ जनाका दरले ८ जना उम्मेदवार रहेका छन् ।
त्यसै गरी वागमती प्रदेशमा रिक्त महिला र अन्य समूहमा ३/३ जनाको दरले ६ जना, गण्डकी प्रदेशमा रिक्त महिला समूहतर्फ२ र अन्य समूहतर्फ ३ गरी ५ जना उम्मेदवार रहेका छन् ।
प्रदेश ५ मा रिक्त महिला समूहतर्फ २ जना, अपा·ता भएका व्यक्ति वा अल्पसंख्यक समूहतर्फ ४ गरी ९ जना, कर्णाली प्रदेशमा रिक्त महिला र अन्य समूहमा २/२ जनाको दरले ४ जना उम्मेदवार रहेका छन् ।
त्यस्तै सुदूरपश्चिम प्रदेशमा रिक्त महिला र अन्य समूहमा २/२ जनाका दरले ४ जना उम्मेदवार चुनावी प्रतिस्पर्धामा रहेका छन् ।
निर्वाचनबाट १८ जना निर्वाचित हुनेछन्। प्रदेश १ मा महिला, दलित र अन्य समूहमा तीन जना निर्वाचित हुने छन् । प्रदेश २ मा महिला, दलित, अपाङ्गता भएका व्यक्ति वा अल्पसंख्यक समुदाय र अन्य समूहमा चार जना निवार्चित हुनेछन् ।
वागमती र गण्डकी प्रदेशमा महिला र अन्य समूहमा दुईदुई जना निर्वाचित हुने छन् । त्यसैगरी प्रदेश ५ मा महिला, अपाङ्गता भएका व्यक्ति वा अल्पसंख्यक समुदाय र अन्य समूहका तीन जना, कर्णाली र सुदूरपश्चिम प्रदेशमा महिला र अन्य समूह गरी दुई दुई जना राष्ट्रिय सभा सदस्य निर्वाचित हुनेछन् ।
सातवटा प्रदेशमा प्रदेश सभा सदस्यतर्फका ५ सय ५० र स्थानीय तह सदस्यतर्फ १ हजार ५ सय ६ गरी कुल २ सय ५६ जना मतदाता रहेका छन् ।
राष्ट्रिय सभा सदस्य निर्वाचन ऐन, २०७५ को अनुसूची १ अनुसार प्रदेश सभाका सदस्यको मतभार ४८ र स्थानीय तहका गाउँपालिका अध्यक्ष, उपाध्यक्ष तथा नगरपालिकाका प्रमुख, उपप्रमुखको मतभार १८ रहेको छ ।
सात प्रदेशका उच्च अदालत रहेको जिल्लाको सदरमुकाममा मतदान स्थल तोकिएको छ। प्रदेश १ को विराटनगर महानगरपालिकाको वीरेन्द्र सभागृहमा मतदान स्थल तोकिएको छ । यस केन्द्रमा प्रदेशसभा सदस्यतर्फ ९३ र स्थानीय तह सदस्यतर्फ २ सय ८४ गरी ३ सय ६७ जना मतदाता रहेका छन् ।
प्रदेश २ को जनकपुर उपमहानगरपालिकाको महेन्द्र नारायणनिधि स्मृति भवनमा मतदान स्थल तोकिएको छ । यस केन्द्रमा प्रदेश सभा सदस्यतर्फ १ सय ७ र स्थानीय तह सदस्यतर्फ २ सय ७२ गरी ३ सय ७९ जना मतदाता रहेका छन् । बागमती प्रदेशको ललितपुर महानगरपालिका वडा नं ४ वडा समितिको भवन जावलाखेलमा मतदान स्थल तोकिएको छ ।
प्रदेश सभा सदस्यतर्फ १ सय १० र स्थानीय तह सदस्यतर्फ २ सय ३८ गरी ३ सय ४८ जना मतदाता रहेका छन् ।
यसै गरी गण्डकी प्रदेशको जिल्ला निर्वाचन कार्यालय कास्कीको परिसरमा मतदान स्थल तोकिएको छ ।
यस स्थलमा प्रदेश सभा सदस्यतर्फ ६० र स्थानीय तह सदस्यतर्फ १ सय ७० गरी २ सय ३० जना मतदाता रहेका छन्। प्रदेश ५ को घोराही उपमहानगरपालिकाको कर्मचारी मिलन केन्द्रको भवनमा मतदान स्थल तोकिएको छ । यस स्थलमा प्रदेश सभा सदस्यतर्फ ८७ र स्थानीय तह सदस्यतर्फ २ सय १८ गरी ३ सय ५ जना मतदाता रहेका छन् ।
कर्णाली प्रदेशको जिल्ला निर्वाचन कार्यालय सुर्खेतको परिसर भवनमा मतदान स्थल तोकिएको छ । यस स्थलमा प्रदेश सभा सदस्यतर्फ ४० र स्थानीय तह सदस्यतर्फ १ सय ५८ गरी १ सय ९८ जना मतदाता रहेका छन् । सुदूरपश्चिम प्रदेशको सिलगढी नगरपालिकाको पद्म पब्लिक मुक्तिनारायण उच्च माध्यमिक विद्यालयमा मतदान स्थल तोकिएको छ । यस स्थलमा प्रदेश सभा सदस्यतर्फ ५३ र स्थानीय तह सदस्यतर्फ १ सय ७६ गरी २ सय २९ जना मतदाता रहेका छन् ।
प्रमुख निर्वाचन आयुक्त दिनेश थपलियाले बिहान १० बजेदेखि अपरान्ह ४ बजेसम्म मतदान कार्य हुने भएकाले समयमै मतदान गर्न आग्रह गर्नुभयो।
मतदानका लागि प्रदेश सभा सदस्यले मतदान गर्ने प्रयोजनका लागि सेतो कागजमा हरियो रङ्गको मसीले विवरण र निर्वाचन चिन्ह तथा नगरपालिकाका प्रमुख र उपप्रमुख तथा गाउँपालिकाका अध्यक्ष र उपाध्यक्षले मतदान गर्ने प्रयोजनका लागि सेतो कागजमा रातो रङ्गको मसीले विवरण र निर्वाचन चिन्ह रहेको मतपत्र रहेका छन् ।
राष्ट्रिय सभा सदस्य निर्वाचनमा भाग लिन ११ वटा राजनीतिक दलले आयोगमा दल दर्ता गराएकोमा नेपाल कम्युनिस्ट पार्टी (नेकपा), नेपाली कांग्रेस, समाजवादी पार्टी, राष्ट्रिय जनता पार्टी नेपाल, राष्ट्रिय जनमोर्चा र नेपाल मजदुर किसान पार्टी गरी ६ वटा राजनीतिक दलले यस निर्वाचनमा उम्मेदवारी दिएका छन् ।
यसैबीच आयोगले बुधबार पत्रकार भेटघाटको आयोजना गरी राष्ट्रिय सभा सदस्य निर्वाचनलाई व्यवस्थित र शान्तिपूर्ण रूपमा सम्पन्न गर्न गराउन सहयोगको निम्ति आग्रह गरेको छ ।
निर्वाचनका लागि सुरक्षा प्रबन्ध प्रभावकारी बनाइएको पनि आयोगले जनाएको छ । मतदान हुने जिल्ला सदरमुकाममा प्रदेशभित्रका प्रदेश सभा सदस्यहरू तथा नगरपालिकाका प्रमुख र उपप्रमुख तथा गाउँपालिकाका अध्यक्ष र उपाध्यक्षहरू मतदानका लागि बुधबार साँझसम्म पुगी सक्ने जानकारी प्राप्त भएको छ ।
बाह्य जिल्लाबाट आउने मतदाताहरूको आवागमन मार्ग तथा आवासीय स्थानहरूमा सुरक्षाको सूक्ष्म निगरानीको प्रबन्ध मिलाई सकिएको पनि प्रमुख निर्वाचन आयुक्त थपलियाले जानकारी दिनुभयो ।
क्यान्वेरा– अष्ट्रेलियाको राजधानी क्यान्वेरामा आयोजित एक कार्यक्रममा सञ्चारकर्मी प्रदीप तिमल्सीना तथा अभिषेक...
काठमाडौं- संघीय संसदको प्रतिनिधि सभामा हात हालाहालको स्थिति सिर्जना भएपछि बिहीबार साँझ...
काठमाडौं– क्रिकेटर सन्दीप लामिछानेलाई उच्च अदालत पाटनले बलात्कार मुद्दामा सफाइ दिएको छ...
काठमाडौं- सरकारले महत्वाकांक्षी घोषणासहित नीति तथा कार्यक्रम सार्वजनिक गरेको छ । राष्ट्रपति...
काठमाडौं– ‘दिगो फेसन, सौन्दर्य, जीवनशैली तथा कलाका लागि युवा र महिलाहरूलाई सशक्तिकरण...
क्यान्वेरा– अष्ट्रेलियाको राजधानी क्यान्वेरामा आयोजित एक कार्यक्रममा सञ्चारकर्मी प्रदीप तिमल्सीना तथा अभिषेक...
काठमाडौं- संघीय संसदको प्रतिनिधि सभामा हात हालाहालको स्थिति सिर्जना भएपछि बिहीबार साँझ...
काठमाडौं– क्रिकेटर सन्दीप लामिछानेलाई उच्च अदालत पाटनले बलात्कार मुद्दामा सफाइ दिएको छ...
Enjoy the many benefits of starting up tonight hook up tonight for tonight...
Le bref variante: utiliser bons soins de vous fréquemment...