अमेरिकामा नेपालीलाई पदक

-- NTA REP. / प्रकाशित मिति : आइतवार, जेष्ठ २, २०७३

अमेरिकाको वासिङ्टन डिसीमा सम्पन्न राष्ट्रिय खुला तेक्वान्दोमा नेपाली खेलाडी तथा निर्णायकले उत्कृष्ट प्रदर्शन गरेका छन् । प्रतियोगितामा बाल्टिमोर स्थित एभरेस्ट वल्र्ड क्लास एकेडेमीबाट नेपाली र अमेरिकी मुलका २१ जना खेलाडीले २९ विधामा प्रतिस्पर्धा गरेको थिए । एभरेष्टका सबै खेलाडीले पदक जित्न सफल भए । उनीहरूले २९ स्वर्ण, ७ रजत र ४ कास्य गरी कुल ४० वटा पदक प्राप्त गर्न सफल भएका छन् । एभरेस्ट वर्ल्ड क्लासका २१ जना खेलाडी मध्ये ९ जना नेपाली थिए । नेपाली खेलाडीहरूमा नेपाली राष्ट्रिय खेलाडी मनिता शाहीले स्पाइरिङमा स्वर्ण र पुम्सेमा रजत, कृष्ण कार्कीले स्पारिङ र पुम्से दुवैमा स्वर्ण जिते । उज्जवल ठकुरीले स्पाइरिङमा स्वर्ण तथा एलेन शाहीले स्पाइरिङ र पुम्से दुवैमा स्वर्ण जिते । त्यस्तै सलिना खड्काले पनि स्पाइरिङ र पुम्सेमा स्वर्ण जिते भने हेमन छन्त्यालले पुम्सेमा स्वर्ण र स्पाइरिङमा रजत जिते ।