डकुमेन्ट्रीमा म्यान्मारका नेपाली

-- NTA REP. ?>

नेपालीहरू कहिले, कसरी र किन म्यान्मार (बर्मा) पुगे ? यसलाई खोतल्दै सञ्चारकर्मी चेतन पन्तले ‘अ हिस्ट्री अफ म्यान्मार गुर्खाज’ शीर्षकको डकुमेन्ट्री निर्माण गरेका छन् । नेपालीहरूको रहनसहन र म्यान्मारमा उनीहरूले आफ्नो मौलिक संस्कृति जोगाउन गरेका प्रयत्नहरू समेत समेटिएको डकुमेन्ट्री सार्वजनिक प्रदर्शनमा समेत आएको छ । डकुमेन्ट्रीमा पहिलोपटक सन् १८३५ मा ब्रिटिस गोर्खा सेनाको रूपमा म्यान्मार पुगेका नेपालीहरूदेखि त्यसपछि सुख खोज्दै म्यान्मार पसेका नेपालीहरूको कथा समेटिएको छ । राजा महेन्द्रले म्यान्मार भ्रमण गरेको बेला ‘मुलुक फर्किन चाहने नेपालीका लागि दिइएको सुविधा’ को सन्दर्भ पनि डकुमेन्ट्रीमा छ । दस मिनेटको डकुमेन्ट्री युट्युबमा समेत उपलब्ध छ । म्यान्मारमा अहिले झन्डै एक लाख नेपाली मूलका नागरिकहरू छन् ।