इन्धन ल्याउन १२ ट्यांकर केरुङ प्रस्थान

-- / प्रकाशित मिति : शुक्रबार, कार्तिक १३, २०७२

काठमाडौं । चीनले उपलब्ध गराउने इन्धन लिने नेपाल आयल निगमले १२ वटा ट्यांकर केरुङ पठाएको छ ।

नेपाल आयल निगमको थानकोटस्थित भण्डारण केन्द्रमा रहेका १२ हजार लिटर क्षमता भएका १२ वटा ट्यांकर शुक्रबार बिहान त्यसतर्फ पठाएको हो । अन्य ट्यांकर भने शनिबार पठाइने आयल निगमले जनाएको छ ।

भारतले गरेको अघोषित नाकाबन्दीका कारण नेपालमा पेट्रोलियम पदार्थको अभाव हुन थालेपछि नेपालले पहिलो पटक छिमेकी राष्ट्र चीनसँग पेट्रोलियम पदार्थ ल्याउने सहमति गरे बमोजिम आयल निगमका ट्यांकर चीन तर्फ पठाएको हो ।

निगमका पदाधिकारीहरुले चीनबाट इन्धन ल्याउनका लागि पठाइएका ट्यांकरको पूजाआजा गरी चालकहरुलाई टीका लगाएर बिदा गरेका छन् ।