अष्ट्रेलियामा बसोबास गर्ने दीपक खड्काले आँफू जन्मेको दोलखाको बिगु गाउँपालिकाको खोपाचाँगु गाउँका स्थानीय वासिन्दालाई अपर तामाकोशीको शेयर होल्डर बनाएका छन् । सिड्नीमा आफ्नै व्यवसायमा सक्रिय खड्काले आफ्नै गाउँका स्थानीय वासिन्दालाई माथिल्लो तामाकोशीको शेयर किनिदिएका छन् । खड्काले उक्त गाउँका सात सय चालिस घरलाई प्रति घर पाँच हजार रुपैयाँ बराबरको शेयर किन्नको लागि रकम उपलब्ध गराएका थिए । स्थानीय जनप्रतिनिधी, गाउँपाकिाका अध्यक्ष अष्ट्रेलियाका लागि नेपाली राजदूत लक्की शेर्पा लगायतकाको रोहोबरमा सो रकम हस्तान्तरण गरिएकोे थियो । अष्ट्रेलियाको न्यू साउथवेल्स राज्यका महावाणिज्यदूत समेत रहेका खड्काले द नेपाली टाइम्स अष्ट्रेलियासंग संक्षिप्त कुराकानी गर्दै तामाकोशी परियोजनाको भविष्य देखेर स्थानीयवासीलाई शेयर किनिदिएको बताएका छन् ।अहिले गरेको थोरै लगानीले भविष्यमा स्थानीयहरूले राम्रो प्रतिफल पाउने कुराम आफू आशाबादी रहेको बताए । आफ्नो जन्मठाउँका मासिसहरूलाई गर्न पाएको यो सहयोगले आँफूलाई आनन्द लागेको बताए । यसअघि उनले सोही गाउँका भूकम्प पीडितलाई प्रति घर तीन हजार रुपैयाँ आर्थिक सहयोग गरेका थिए भने झण्डै आठ लाख रुपैयाँ खर्चेर अष्ट्रेलियाबाट नेपालमा १ सय ६६ वटा ह्वीलचेयर समेत नेपाल पठाएका थिए ।