प्रेम अभिव्यक्त गर्नका लागि भ्यालेन्टाइन्स डे नै चाहिन्छ त ?
१४ फेब्रुअरी अर्थात भ्यालेन्टाइन्स डे । यो मिति विश्वभरी नै चर्चित छ । यही दिन विश्वले प्रेम दिवस मनाइने भएकाले यसको आफ्नै महत्व पनि छ । १४ फेब्रुअरीलाई विश्वभरी नै भ्यालेन्टाइन्स डे अर्थात प्रेम दिवसको रुपमा मनाइने भएकाले विवाहितदेखि अविवाहित युवा–युवतीसमेत भ्यालेन्टाइन्स डेको प्रतिक्षामा हून्छन् । एकअर्कालाई प्रेम गरिरहेका जोडीले त यो दिनलाई एउटा पर्वकै रुपमा मनाउने परम्परा छ । भ्यालेन्टाइन्स डेको अवसर पारेर द नेपाली टाइम्स अष्ट्रेलियाका नेपाल प्रतिनिधि कृष्ण भट्टराईले केही सेलिब्रेटीलाई प्रेम गर्नका लागि भ्यालेन्टाइन्स डे नै चाहिन्छ त ? भन्ने जिज्ञासा राखेका छन् । उनीहरुको जवाफ जस्तोका तस्तै:
प्रदीप खड्का, नायक
प्रेम गर्नकै लागि भ्यालेन्टाइन्स डे पर्खिनु पर्दैन जस्तो लाग्छ । प्रेम भन्ने कुरा जति बेला पनि गर्न सकिन्छ । हुन त हामी जस्ता युवापुस्ताका लागि यो दिनको आफ्नै विशेष महत्व छँदैछ, तर प्रेम गर्ने जोडीहरुका लागि हरेक दिन भ्यालेन्टाइन्स डे जस्तै हुन्छ जस्तो लाग्छ ।
पूजा शर्मा, नायिका
माया गर्ने मान्छेले आफ्नो मायालुलाई माया गर्न, आत्मियता साट्न भ्यालेन्टाइन्स डे नै कुर्नु पर्छ जस्तो लाग्दैन । मैले त भ्यालेन्टाइन्स डेलाई प्रेम उत्सव मनाउने एउटा विशेष दिनको रुपमा ग्रहण गरेकी छु ।
दिनेश शाही, मोडल
म भ्यालेन्टाइन्स डेको पक्षमा छु । माया गर्नेहरुका लागि पनि त कुनै एउटा विशेष दिन, चाड अथवा उत्सव त चाहियो नि । भ्यालेन्टाइन्स डे नै एउटा त्यस्तो दिन हो जुन दिन प्रेमि–प्रेमिकाहरु स्वच्छन्द भएर आफ्नो प्रेम अभिव्यक्त गर्न सक्छन् ।
वर्षा राउत (क्षेत्री), नायिका
पछिल्ला वर्षहरुमा नेपालमा समेत भ्यालेन्टाइन्स डेलाई एउटा महोत्सवको रुपमा मनाउने प्रचलन प्रारम्भ भएको छ । एक हिसाबले हेर्ने हो भने म यसमा खरावी देख्दिन तर भ्यालेन्टाइन्स डे भनेको प्रेमि अथवा प्रेमिका भएका व्यक्तिले मात्र मनाउने पर्व जस्तो भएको छ । वास्तविक प्रेमि–प्रेमिकाले एक–अर्कालाई प्रेम गर्छु भन्नका लागि एउटा निश्चित दिन नै तोकिनु पर्छ जस्तो लाग्दैन ।
दुर्गा खरेल, गायिका
यदि तपाईं कसैलाई प्रेमको प्रस्ताव राख्दै हुनुहुन्छ भने तपाईंका लागि भ्यालेन्टाइन्स डेले विशेष महत्व राख्छ । दि तपाईं पहिलादेखि नै कसैलाई प्रेम गरिरहनु भएको छ भने पनि यो दिन महत्वपूर्ण हुन्छ तर प्रेम अभिव्यक्त गर्नैका लागि भ्यालेन्टाइन्स डे नै पर्खनु पर्छ जस्तो मलाई लाग्दैन ।
मेरो विचारमा भ्यालेटाईन्स डे कै दिन आफूलाई माया गर्ने मान्छेसाग भेटघाट गर्न‘पर्छ, प्रपोज गर्न‘पर्छ भन्ने छैन । प्रपोज गर्न, प्रेम प्रस्ताव राख्न यही दिन कुर्नु पर्छ जस्तो लाग्दैन । मैले आजसम्म भ्यालेटाइन्स डे मनाएको छैन ।
प्रमोद खरेल, गायक
आफूलाई मन पर्ने व्यक्तिसंग शान्त वातावरणमा दिन बिताउने रमाइलो अवसर भ्यालेन्टाइन्स डेले नै दिन्छ । म यो विशेष दिन कुनै पनि काममा व्यस्त हुन्न । वर्षमा एक पटक आउने यो दिनलाई स्मरण बनाउन म पछि पर्दिन । यसपटकको भ्यालेन्टाइन्स डेमा उनलाई एउटा सरप्राइज समेत दिने योजना बनाएको छु ।
नम्रता सापकोटा, नायिका
मलाई प्रेम गर्नका लागि भ्यालेन्टाइन्स डे नै पर्खनु पर्छ जस्तो लाग्दै लाग्दैन । माया र प्रेम गर्नका लागि ३ सय ६५ दिन नै उपयुक्त हुन्छन् । मेरो विचारमा माया गर्नेहरुका लागि पनि एउटा विशेष दिन आवश्यक पर्छ भने १४ फेब्रुअरीलाई छनौट गरिएको हो ।
क्यान्वेरा– अष्ट्रेलियाको राजधानी क्यान्वेरामा आयोजित एक कार्यक्रममा सञ्चारकर्मी प्रदीप तिमल्सीना तथा अभिषेक...
काठमाडौं- संघीय संसदको प्रतिनिधि सभामा हात हालाहालको स्थिति सिर्जना भएपछि बिहीबार साँझ...
काठमाडौं– क्रिकेटर सन्दीप लामिछानेलाई उच्च अदालत पाटनले बलात्कार मुद्दामा सफाइ दिएको छ...
काठमाडौं- सरकारले महत्वाकांक्षी घोषणासहित नीति तथा कार्यक्रम सार्वजनिक गरेको छ । राष्ट्रपति...
काठमाडौं– ‘दिगो फेसन, सौन्दर्य, जीवनशैली तथा कलाका लागि युवा र महिलाहरूलाई सशक्तिकरण...
क्यान्वेरा– अष्ट्रेलियाको राजधानी क्यान्वेरामा आयोजित एक कार्यक्रममा सञ्चारकर्मी प्रदीप तिमल्सीना तथा अभिषेक...
काठमाडौं- संघीय संसदको प्रतिनिधि सभामा हात हालाहालको स्थिति सिर्जना भएपछि बिहीबार साँझ...
काठमाडौं– क्रिकेटर सन्दीप लामिछानेलाई उच्च अदालत पाटनले बलात्कार मुद्दामा सफाइ दिएको छ...
Enjoy the many benefits of starting up tonight hook up tonight for tonight...
Le bref variante: utiliser bons soins de vous fréquemment...