अनसनमा अन्ना हजारे

-- नेपाली टाईम्स अष्ट्रेलिया ?>

लोकपाल नियुक्तिको माग राख्दै भारतका सामाजिक अभियन्ता अन्ना हजारेले जनवरी ३० देखि अनशन सुरु गरेका छन् । उनले महाराष्ट्रस्थित आफ्नो गाउ“ रालेगण सिद्धिमा  अनशन सुरु गरेका हुन् । लोकपालसंग भ्रष्टाचारको मामिलासम्बन्धी जोसुकैलाई उजुरी सुनुवाइ गर्ने अधिकार दिइएको छ । लोकपाल विधेयक पारित भएको ५ वर्ष बितिसक्दा पनि मोदी सरकारले लोकपाल नियुक्ति नगरेपछि हजारे सरकारसंग रुष्ट छन् । उनले प्रधानमन्त्री नरेन्द्र मोदीलाई यस विषयमा पटकपटक चिट्ठी लेखे पनि कुनै सुनुवाइ नभएको भारतीय सञ्चारमाध्यमहरुले जनाएका छन् । त्यस्तै, महाराष्ट्र राज्यमा लोकायुक्त विधेयकपारित हुनुपर्ने मागसमेत हजारेले राखेका छन् । आफ्नो अनशन देश र जनताको पक्षमा रहेको हजारेको दाबी छ । माग पूरा नभएसम्म अनशन जारी राख्ने अडान हजारेको रहेको भारतीय सञ्चारमाध्यमहरुले जनाएका छन् ।