कडेँल कन्सल्टेन्सिको प्रस्तुतिमा यही ४ मे २०१९ मा मेलवर्न स्थित म्याक्स वार्टमा नेपाली गायनका चर्चित हस्तीहरु पुष्पन प्रधान, कालीप्रसाद बाँस्कोटा र स्याडो ब्याण्डको साथमा म्यूजिकल नाइट आयोजना हुदैँछ । स्मार्ट एक्सेसको आयोजनामा हुन लागेको यस कार्यक्रमलाई लिएर स्मार्ट एक्सेसको डिरेक्टर, सबै स्पोन्सरहरुदेखि लिएर मेलवर्नवासी नेपालीहरु पनि उत्तिक्कै उत्साहित देखिन्छन् ।

एकपछि अर्को राम्रो कार्यक्रम मेलवर्नमा गरिरहेको स्मार्ट एक्सेसको यो अर्को सफल कार्यक्रम हुने मान्यता रहेको छ । पछिल्लो समय कालीप्रसाद बाँस्कोटाले धेरै गीतहरुमा संगीत दिएर र गाएर नेपाली गायन क्षेत्रलाई एउटा उचाईमा पुर्याएका छन् भने पुष्पन प्रधान र व्याण्डले पंक्षी गीतबाट सर्वाधिक लोकप्रियता कमाएको छ । त्यसैगरी पुरानो व्याण्ड स्याडो युवाहरुमाझ एकदमै लोकप्रिय रहेको छ । कार्यक्रमको लागि कालीप्रसाद बाँस्कोटा मेलवर्न आज आइपुगेका छन् भने अन्य कलाकारहरु नेपालदेखि मेलवर्न आउने तयारीमा जुटेका छन् ।