३४ वर्षीय अभिनेताको आत्महत्याले शोकाकूल बलिउड
बलिउड अभिनेता सुशान्तसिंह राजपुतले ३४ वर्षको उमेरमा गत जुन १४ का दिन आत्महत्या गरेका छन् । मुम्बईको बान्द्रास्थित आफ्नै घरमा उनले आइतबार पासो लगाएर आत्महत्या गरेको भारतीय सञ्चारमाध्यमले जनाएका छन् ।
राजपुतले भारतीय क्रिकेट टिमका पूर्वकप्तान महेन्द्रसिंह धोनीको वायोपिकमा मुख्य भूमिका निभाएका थिए ।
राजपुतले सन् २०१३ मा ‘काइपोचे’ फिल्मबाट बलिउडमा डेब्यु गरेका थिए ।
३४ वर्षीय राजपुतले पछिल्लो समय ‘केदारनाथ’ फिल्ममा अभिनय गरेका थिए ।
उनको पछिल्लो चलचित्र ‘छिछोरे’ ले बक्स अफिसमा उत्कृष्ट प्रदर्शन गरेको थियो ।
समाचारमा जनाइ अनुसार उनी पछिल्लो केही दिनदेखि बिरामी थिए ।
लकडाउन अवधिभरी उनी घरमा एक्लै बसेको मुम्बई प्रहरीले जनाएको छ ।
उनले सन् २००८ मा किस देशमे है मेरा दिल शीर्षकको सिरियलबाट अभिनय यात्रा प्रारम्भ गरेका थिए भने पवित्र रिश्मार्फत उनी दर्शकमाझ स्थापित भएका थिए ।
को हुन् सुशान्त ?
सुशान्त सिंह राजपूत हिन्दी चलचित्रहरुमा अभिनेता सक्रिय हुँदा–हुँदै समेत थिएटर तथा टेलिभिजन अभिनेताको रुपमा समेत स्थापित थिए ।
टेलिभिजन सिरियल पवित्र रिश्मामार्फत दर्शकमाझ बेग्लै छाप छोड्न सफल सुशान्तले त्यही सिरियलपछि बलिउडका आफ्नो ढोका खोल्न सफल भएका हुन् ।
सुशान्त सिंह राजपूतको जन्म पटना, बिहारमा भएको थियो । उनका बुवा सरकारी अधिकृत हुन् । उनको परिवार सन् २००० को प्रारम्भमा दिल्लीमा सेटल भएको थियो ।
सुशान्तका चार जना दिदीहरु छन् । उनी परिबारका कान्छा र एक मात्र छोरा हुन् । उनकी आमाको सन् २००२ मै निधन भएको थियो । हाल पटनाको उनको घरमा उनका बुवामात्र बसोबास गर्छन् । दिदीहरुमध्ये एक मीतू सिंह भारतको राज्य स्तरकी क्रिकेट खेलाडी पनि हुन् ।
सुशान्तको प्रारम्भिक अध्ययन सेन्ट क्यारेन्स हाई स्कूल, पटनामा भएको थियो । त्यसपछिको अध्ययन उनले दिल्लीको कुलाची हंसराज मोडल स्कूलबाट पुरा गरे । त्यसपछि उनले दिल्ली कलेज अफ इन्जिनियरिङबाट मेकानिकल इन्जिनियरिङको अध्ययन पुरा गरेका थिए ।
सुशान्तको करियरको थालनी ब्याकअप डान्सरको रुपमा भएको थियो । उनले फिल्मफेयर एवार्ड्समा पनि धेरै पटक डान्स गरेका थिए । त्यही बेला उनीमाथि सबैभन्दा पहिला बालाजी टेलिफिल्म्सको कास्टिङ टिमको नजर परेको थियो ।
उनीहरुलाई सुशान्तको हाउभाउ र व्यक्तित्व मन परेपछि बालाजीको टेलिसिरियल ‘किस देश में है मेरा दिल’ मार्फत अभिनय यात्रा प्रारम्भ गर्ने मौका पाएका थिए । जसमा उनले प्रीत जुनेजाको चरित्र निर्वाह गरेका थिए । तर, जीटिभीको सिरियल ‘पवित्र रिश्ता’ उनको अभिनय करियरको कोशेढुंगा सावित भयो ।
त्यसपछि उनी डान्स रियालिटी शो ‘जरा नच के दिखा २’ तथा ‘झलक दिखला जा ४’ मा पनि देखिएका थिए । त्यसपछि सुशान्तले बलिउडका चलचित्रमार्फत आफ्नो यात्रा अघि बढाएका थिए । ‘काय पो चे’ चलचित्रमार्फत उनले बलिउड यात्रा प्रारम्भ गरेका थिए ।
काय पो चे, शुद्ध देसी रोमान्स, पीके, एमएस धोनी, राब्ता, केदारनाथ, छिछोरे, ड्राइभ, सोन चिडिया, डिटेक्टिभ बोङकेस बक्सी, दिल बेचारा आदि सुशान्तले अभिनय गरेका सफल चलचित्रहरु हुन् ।
सुशान्तसंग सम्बन्धित केही तथ्यहरु
सुशान्त अध्ययनमा निकै अब्बल थिए, त्यसका कारण उनी थुप्रै परीक्षाहरुमा बसे र सफल सावित भए । तर, उनलाई त आफ्नो करियर चलचित्रमा बनाउनु थियो, त्यसैले उनी पहिला दिल्ली आएर त्यसपछि मुम्बईको यात्रा तय गरे ।
सुशाान्त चर्चित कोरियोग्राफर श्यामक डावरका छात्र समेत रहे । सुशान्तले सन् २००६ को कमनवेल्थ गेममा पनि उनले आफ्नो प्रस्तुती दिएका थिए । त्यसपछि ५१ औं फिल्मफेयर एवार्ड्समा पनि उनले ब्याकग्राउण्ड डान्सरको रुपमा काम गरेका थिए ।
मुम्बई आएपछि उनले एउटा डान्स गु्रपसंग पनि प्रस्तुती दिएका थिए, जसलाई चर्चित कोरोयोग्राफर ऐश्ले लोबोले प्रशिक्षित गरेका थिए । त्यसपछि उनी थिएटरमा भर्ना भए । शायद यही कारणले उनी एक मेहनती अभिनेता बन्न सफल भए ।
उनले चर्चित एक्शन निर्देशक अलन अमीनसंग मार्शल आर्ट्स पनि सिकेका थिए ।
चर्चित टेलिभिजन सिरियर पवित्र रिश्तामा अभिनय गर्नुअघि उनले किस देश में है मेरा दिलमा अभिनय गरेका थिए । पवित्रा रिश्तामा निर्वाह गरेको आफनो चरित्र मानव देशमुखमार्फत उनी घर–घरमा मन पराइने व्यक्तित्व बनेका थिए ।
उनी ‘जरा नच के दिखा २’ र ‘झलक दिखला जा ४’ जस्ता लोकप्रिय डान्सिङ शोहरुको पनि प्रतिस्पर्धि रहेका थिए भने झलक दिखला जा ४ को क्रममा उनले मोस्ट कन्सिस्टेन्ट परफर्मरको टाइटल पनि प्राप्त गरेका थिए ।
आफ्नो पहिलो फिल्मबाट नै दर्शकहरुको आँखामा पर्न सफल भएका सुशान्तको लागि पनि जीवन सहज रहेन । आमा–बुबाको इच्छा विपरित उनले फिल्म क्षेत्रलाई आफ्नो भविष्यको रुपमा लिए र उनले यो क्षेत्रमा आफ्नो भिन्दै परिचय स्थापित गर्न सफल भए ।
फिल्म काय पे चे मा उनले निभाएको भुमिकाको प्रेरणा उनले आफ्नी दिदी मीतू सिंहबाट पाएका थिए । मीतू सिंह राज्य स्तरको क्रिकेट खेलाडि हुन् ।
एउटा साधारण परिवारको भएको र उनको कुनै फिल्मको ब्याकग्राउन्ड नभएका कारण शुरुमा उनीसंग कुनै पनि अभिनेत्री काम गर्न चाहदैनन थिए । फिल्म ‘शुद्ध देसी रोमान्स’ यो कुराको उदाहरण हो । लामो समयपछि यो फिल्मका लागि परीणित चोपडाले साइन गरेकी थिइन् ।
उनको प्रेम सम्बन्धका कारण पनि उनी समय समयमा पत्रपत्रिका र टेलीभिजनको समाचारमा छाइरहन्थे । उनकी प्रेमिका अंकिता लोखन्डेसंग धेरै लामो समयदेखि प्रेम सम्बन्ध रहेको थियो र उनीहरु एकसाथ लिभइनमा रहेको पनि खबर आएको थियो ।
यी दुई प्रेम जोडिको भेट पहिलो पटक ‘पवित्र रिश्ता’ को सेटमा भएको थियो र यो भेट विस्तारै प्रेममा परिणत भयो ।
दुवैबीच त्यस्तो गहिरो प्रेम थियो, यदि कुनै फिल्ममा सुशान्तले चुम्बनको दृष्य गर्नु पर्यो भने उनी यस्तो दृष्यका लागि अंकिताको स्वीकृती लिने गर्थे ।
फिल्म डिटेक्टिव ब्योमकेश बक्शीका कारण उनी चर्चामा रहेका थिए । दर्शकले सुशान्तको भुमिकालाई अति नै मन पराएका छन् ।
निर्देशक दिबाकर बेनर्जीका अनुसार ब्योमकेश बक्शीको भुमिकाको लागि उनको पहिलो रोजाई सुशान्त सिंह नै थिए । फिल्ममा उनको र अभिनेत्री स्वास्तिका मुखर्जीबीच लामो चुम्बनको दृष्य रहेको छ,जुन रणवीर सिंह र दीपिका पादुकोण अभिनित रामलीलामा रहेको चुम्बनको दृष्य भन्दा पनि लामो रहेको भनिन्छ ।
उनले एम.एस धोनीमा बनेको बायोपिकमा पनि धोनीको भुमिका निभाएका थिए ।
क्यान्वेरा– अष्ट्रेलियाको राजधानी क्यान्वेरामा आयोजित एक कार्यक्रममा सञ्चारकर्मी प्रदीप तिमल्सीना तथा अभिषेक...
काठमाडौं- संघीय संसदको प्रतिनिधि सभामा हात हालाहालको स्थिति सिर्जना भएपछि बिहीबार साँझ...
काठमाडौं– क्रिकेटर सन्दीप लामिछानेलाई उच्च अदालत पाटनले बलात्कार मुद्दामा सफाइ दिएको छ...
काठमाडौं- सरकारले महत्वाकांक्षी घोषणासहित नीति तथा कार्यक्रम सार्वजनिक गरेको छ । राष्ट्रपति...
काठमाडौं– ‘दिगो फेसन, सौन्दर्य, जीवनशैली तथा कलाका लागि युवा र महिलाहरूलाई सशक्तिकरण...
क्यान्वेरा– अष्ट्रेलियाको राजधानी क्यान्वेरामा आयोजित एक कार्यक्रममा सञ्चारकर्मी प्रदीप तिमल्सीना तथा अभिषेक...
काठमाडौं- संघीय संसदको प्रतिनिधि सभामा हात हालाहालको स्थिति सिर्जना भएपछि बिहीबार साँझ...
काठमाडौं– क्रिकेटर सन्दीप लामिछानेलाई उच्च अदालत पाटनले बलात्कार मुद्दामा सफाइ दिएको छ...
Enjoy the many benefits of starting up tonight hook up tonight for tonight...
Le bref variante: utiliser bons soins de vous fréquemment...