राष्ट्रिय क्रिकेट खेलाडी सिंहको निधन

-- नेपाली टाईम्स अष्ट्रेलिया ?>

राष्ट्रिय क्रिकेट खेलाडी २३ वर्षीय कुन्दनसिंह राजपुतको जनवरी १० का दिन मिर्गौला रोगका कारण निधन भएको छ । विसं २०६८ तिर महोत्तरी जिल्लाबाट जिल्ला क्रिकेट संघको खेलाडी भएर १६ वर्षमुनि, राष्ट्रिय खेलाडीका रुपमा १९ वर्षमुनि र नेपाल क्रिकेट संघबाट राष्ट्रियस्तरका खेल खेलेर राष्ट्रिय खेलाडीको मान्यता पाएका सिंहको महोत्तरी जिल्लाको जलेश्वर नगरपालिका– ९ फुल्हट्टा गाउँमा रहेको आफ्नै घरमा निधन भएको हो । विसं २०७५ मा राष्ट्रिय टोलीबाट प्रधानमन्त्री कप खेलेर आउँदा अचानक दुवै मिर्गौला बिग्रेका सिंहले दुई वर्षदेखि डायलायसिस गराउँदै आएको जिल्ला क्रिकेट संघ महोत्तरीका अध्यक्ष रोशनकुमार सिंहले बताए । उनको निधनबाट जिल्ला, प्रदेश र सिंगो देशकै क्रिकेट जगतलाई ठूलो क्षति पुगेको बताउँदै अध्यक्ष रोशनकुमारले जिल्ला क्रिकेट संघको झण्डा ओढाएर अन्तिम संस्कार गरिएको बताए ।  बाह्र वर्षको उमेरदेखि नै क्रिकेट खेल्दै आएका सिंह निकै मेधावी थिए । चार–पाँच वर्षकै उमेरमा माता–पिता गुमाएका क्रिकेटर सिंहलाई जलेश्वर– ९ का मामा अनोजकुमार सिंहले पालनपोषण गर्दै आएका थिए ।