चेकमा मद्यपान जोखिम

-- NTA REP. ?>

चेक गणतन्त्रका १५ वर्षभन्दा बढी उमेरका झन्डै ६ लाख ४० हजार नागरिक मद्यपानबाट सिर्जित समस्याको उच्च जोखिममा रहेको एक अध्ययनले देखाएको छ । उनीहरूमध्ये ५ लाख ४० हजारलाई मदिराले व्यापक असर गरेको २३ नोभेम्बरका दिन सार्वजनिक अध्ययन प्रतिवेदनले औंल्याएको छ । युरोपियन देश चेकको राष्ट्रिय अनुगमन केन्द्रले गरेको अध्ययनअनुसार उनीहरूमध्ये अधिकांश मदिरा र लागुऔषधको लतमा परिसकेका छन् । गत वर्ष लागुऔषध सेवनकर्ताहरूको संख्या ४६ हजार ९ रहेको प्रतिवेदनमा उल्लेख छ । झन्डै १९ प्रतिशत पुरुष र ६ प्रतिशत महिला गरी चेक नागरिकले नियमित रूपमा दैनिक मदिरा पिउने गर्दछन् । यो कुल जनसंख्याको १२.५ प्रतिशत हो । पुरुषहरूले दैनिक कम्तीमा तीन बोतल बियर र महिलाहरूले दुई बोतल पिउने गर्दछन् । ७ प्रतिशत चेक नागरिकले जोखिमयुक्त मदिरा पिउने र ६ प्रतिशतले आफंैलाई हानि गर्ने गरी पिउने गरेको प्रतिवेदनमा उल्लेख छ । मदिराजन्य पदार्थ पिउने मात्र नभई झन्डै २५ प्रतिशत चेक नागरिकले दैनिक धूम्रपान गर्छन् । त्यसमध्ये पुरुष २८ प्रतिशत र महिला १९ प्रतिशत छन् ।