अनिल र रविनाको सेल्फी क्विनले जित्यो मन

-- नेपाली टाइम्स अस्ट्रेलिया / प्रकाशित मिति : मङ्लबार, कार्तिक २१, २०७४

काठमाडौं– भ्वाइस अफ नेपालको उपाधि विजेता सञ्चारकर्मी नरेश भट्टराईद्वारा रचना गरिएको एउटा रोमान्टिक यूगल गीत ‘सेल्फी क्विन’ को म्युजिक भिडियोले कम समयमै दर्शकको मन जित्न सफल भएको छ।
लोकप्रिय पप गायक अनिल सिंहको संगीतको उक्त गीतमा अनिल सिंह तथा गायिका रविना थापाको स्वर सुन्न सकिन्छ ।
बजारमा आउन लागेको गायक अनिल सिंह तथा गायिका रविना थापाको नयाँ एल्बम फलो मिमा समावेश गरिएको उत्तस् गीतको म्युजिक भिडियोलाई सञ्चारकर्मी सुव्रतराज आचार्यले निर्देशन गरेका हुन् । म्युजिक भिडियोमा हास्य अभिनेता सन्दिप क्षेत्री, भिडियोजक्की सुशील नेपाल तथा राजेश थापाको अभिनय रहेको छ। गायक सिंह तथा गायिका थापालाई पनि भिडियोमा फिचर गरिएको छ ।
अर्जुन तिवारी तथा टिमद्वारा छायांकन गरिएको उक्त गीतको म्युजिक भिडियोलाई भरत रेग्मीले सम्पादन गरेका हुन् । सुरेन बसेल यो भिडियोका कोरियोग्राफी गरेका हुन् ।

यस्तो छ सेल्फी क्विनको भिडियो