पोर्चुगलमा नेपालीको रेस्टुरेन्टलाई ४ अवार्ड

-- नेपाली टाईम्स अष्ट्रेलिया ?>

पोर्चुगलको राजधानी लिस्बनस्थित बागलुङका टंक सापकोटाद्वारा सञ्चालित इटालियन रेस्टुरेन्ट र्फोनो दि ओरोले चार विधामा अवार्ड प्राप्त गरेको छ । ओरोले उत्कृष्ट पिज्जा रेस्टुरेन्ट, पोर्चुगलको उत्कृष्ट पिज्जेरिया, इटाली बाहिरको उत्कृष्ट १० नापोलितान पिज्जेरिया र उत्कृष्ट बियर बिक्री गर्ने पिज्जेरियाको अवार्ड जितेको सञ्चालक सापकोटाले बताए । यो प्रतियोगिता युरोपमा प्रत्येक वर्ष हुने गर्छ । ‘विदेशी भूमिमा विदेशी खानामा विदेशीहरुसंग प्रतिस्पर्धा गरेर अवार्ड पाउनु गौरवको महसुस गरेको छु’, उनले भनेका छन् । उनी २५ वर्षदेखि सपरिवार पोर्चुगल बस्दै आएका छन् ।