उत्साहजनक २०१७
प्रत्येक पुराना कुराले केही सुखद र दु:खद अनुभव दिएर जान्छ । सन् २०१७ ले पनि नेपालीहरूलाई धेरै राम्रा सुखद खबरहरू दिएर गयो भने केही दु:खद खबरहरू समेत हामीसामु छोडेर गयो । ५ वर्षपछि भएको जनगणनामा नेपालीहरू ५५ हजार रहेको तथ्य यहाँको सरकारले सार्वजनिक गऱ्यो भने यसैवर्ष बिभिन्न घटनाहरूमा केही नेपालीहरूले ज्यान समेत गुमाउन पुगे ।
नयाँ राजदूत र द्धिदेशीय सम्झौता
राजदुत रुद्रकुमार नेपाल आफ्नो कार्यकाल सकेर नेपाल फर्किएपछि लक्की शेर्पा पहिलो महिला राजदूतका रुपमा यहाँ आइपुगिन् । नेपालमा भएको लामो राजनैतिक खिचातानीपछि राजदूत बनेर आएकी उनले यहाँका नेपालीहरूबाट राम्रो स्वागत मात्र पाईनन् कि अहिलेसम्म देखिएका कमजोरीहरूलाई कम गर्ने र नेपालीहरूबाट देखिएको गुनासोलाई सम्बोधन गर्ने दाबी समेत गरिन् । आउने बित्तिकै वेबसाईटलाई केही परिमार्जन गरिन् भने फोन नउठ्ने समस्यालाई सम्बोधन गर्न प्रयास गरिन् ।
यसवर्ष भएको अर्काे उल्लेखनीय कार्य भनेको अष्ट्रेलिया र नेपाल सरकारका परराष्ट्र सचिवस्तरीय संयन्त्र निर्माण हो । प्रत्येक दुई वर्षमा बैठक गर्ने र दुई देशबीचको आर्थिक, राजनीतिक, कुटनैतिक लगायतका सम्बन्धलाई अर्काे चरणमा लैजाने उद्देश्यका साथ संयन्त्र निर्माण गरिएको बताइएको छ । जुन कार्यलाई मुर्तरुप दिन परराष्ट्र सचिव शंकर बैरागी नै यहाँ आएका थिए । यो संयन्त्र निर्माण भइसकेपछि अष्ट्रेलिया र नेपालबीचमा भएको ब्यापार घाटा कम हुने आशा राखिएको भएपनि अहिलेसम्म त्यसबारेमा कुनैपनि उल्लेख्य उपलब्द्धि सार्वजनिक भइसकेको छैन् ।
एनआरएनमा नयाँ नेतृत्व
प्रत्येक दुई वर्षमा चुनिने एनआरएनको नेतृत्व यसैवर्ष चुनियो । अनेकन सहमतिका प्रयास, असहमतिका प्रयास र यस्तै बिभिन्न चर्चा परिचर्चासँगै एनआरएनले मेलबर्नका टोनु घोतानेको नेतृत्व पायो । यसवर्ष न्यु साउथ वेल्सबाट नेतृत्व लिन नपाउने भएकाले समेत मुख्य नेतृत्व मेलबर्न र ब्रिसबेनले पायो । ब्रिसबेनका नारायण कोइराला महासचिवमा चयन भए भने अन्य नेतृत्वमा सिड्नीकै संख्या बढी थियो ।
निर्वाचनबाटै अष्ट्रेलियाका बिभिन्न राज्यहरूमा पनि नयाँ कार्यसमिति चयन गरिएको थियो । वर्षको अन्त्यतिर एनआरएनले मनोनयन गरेको सदस्यहरूका बारेमा समेत विवाद भएको सार्वजनिक भयो । असन्तुष्ट पक्ष र अध्यक्ष र महासचिवका बीचमा बिज्ञप्ति र प्रष्टीकरणको लहर नै चल्यो ।
यसैवर्ष नेपालमा भएको एनआरएन केन्द्रीय कमिटीको महाधिवेशनले पनि भवन भट्टको नेतृत्वमा नयाँ कार्यसमिती चयन गऱ्यो । महाधिवेशनको मुख्य चर्चा भने मेलबर्नकी धनाढ्य नेपालीमूलकी ब्यवसायी जमुना घले गुरुङ को नै भयो । निर्वाचनको केही दिनअघि मात्र औपचारिक रुपमा उम्मेदवारी घोषणा गरेकी उनले पराजय बेहोरिन् । अर्काे रोचक पक्ष भनेको एनआरएनको केन्द्रीय कमिटीमा अष्ट्रेलियाबाट जस जसले उम्मेदवारी घोषणा गरेका थिए ती सबैले हार बेहोर्नुपरयो ।
यसबाहेक पनि २०१७ मा नेपाली समुदायमा धेरै उल्लेख्य र रोचक कार्यक्रमहरू सम्पन्न भयो । मेलबर्नमा नेपालीहरूले आफ्नै सामुदायिक भवन निर्माणका लागि आयोजना गरेको सप्ताह महापुराणपनि चर्चाको विर्षय बन्यो । जसबाट १ मिलियनभन्दा बढी रकमको प्रतिबद्धता आएपछि उक्त कार्यक्रम सफल भएको दाबी मात्र गरिएन् कि भवन निर्माणका लागि समिती बनाएर कार्य अघि बढाइसकिएको आयोजकले जनायो ।
यसैगरि एकजुट बनेका झापाली संगठनले समेत रुपक चुडालको नेतृत्वमा नयाँ कार्यसमिती चयन गर््यो । अहिलेसम्म करिब ५० लाख रुपैया बराबरको शैक्षिक, स्वास्थ्य लगायतको क्षेत्रमा सहयोग पुरयाएको दाबी गर्ने झापाली समाजले यसैवर्ष नेपालमा आयोजना भएको महाधिवेशनबाट केन्द्रीय कार्यसमिती समेत चयन गऱ्यो । अष्ट्रेलियाकै दिनेश पोखरेलको अध्यक्षतामा चुनिएको कार्यसमितले अहिलेसम्म २० वटा राज्यहरूमा आफ्नो शाखा स्थापना गरिसकेको जानकारी दिएको छ ।
एनआरएनले प्रत्येक वर्ष आयोजना गर्दै आएको अभिभावकको पिकनिकले समेत चर्चा पायो । एनआरएनले नेपालबाट आएका अभिभावकहरूलाई एकआपसमा परिचय गराउने र उनीहरूलाई यहाँपनि नेपालीपनको आभाष गराउने उद्देश्यले कार्यक्रमको आयोजना गरेको थियो । जसमा अभिभावकहरूले रमाईलो त गरे नै एनआरएनले समेत अभिभावकहरूलाई सम्मान गरेको अनुभव सबैलाई दिलायो । यसैगरि एनआरएन लगायतका बिभिन्न करिब एक दर्जन संस्थाले तीजको अवसरमा नेपाली धर्मावलम्बिहरूलाई यातायात सहज बनाउनका लािग नि:शुल्क सवारी सुविधाले समेत राम्रै चर्चा पायो बिशेष गरेर सामाजिक सञ्जालहरूमा ।
यसबाहेक प्राय: हप्तैजसो हुने सांगितिक कार्यक्रमहरूले समेत यहाँका नेपालीहरूलाई राम्रै मनोरञ्जन दिलायो । दर्जनौ नेपाली चलचित्रहरूले अष्ट्रेलियाका हलमा स्थान पाए भने केही कलाकारहरूले चलचित्र प्रदर्शनका लागि अष्ट्रेलिया घुम्ने अवसर समेत पाए । यसवर्ष नेपथ्यदेखि सत्यस्वरुपसम्मले अष्ट्रेलियामा कार्यक्रम गर्न पाए भने अन्य चलेका धेरै कलाकारहरूले समेत अष्ट्रेलियाका नेपालीहरूलाई मनोरञ्जन दिलाउने अवसर पाए ।
नेपालीहरूले यहाँको केन्द्रीय राजनीतिमा समेत महत्वपूर्ण स्थान बनाएको समाचारहरू सार्वजनिक भएभने केही नेपालीहरूले उम्मेदवार बनेर निर्वाचनमा सहभागिता जनाउन समेत पाए । यसबाहेक पनि धेरै सामाजिक, व्यवसायिक, व्यक्तिगत कार्यक्रमहरू आयोजना गरिए । सबै कार्यक्रमहरूलाई समेट्न नसकिएपनि यसवर्ष यहाँका नेपालीहरूका लागि २०१७ सहज र राम्रो रह्यो ।
काठमाडौं- नेपालले आगामी महिना अमेरिका र वेष्टइण्डिजमा हुने आईसीसी टी–२० विश्वकपका लागि...
काठमाडौं– अर्थमन्त्री वर्षमान पुनले तेश्रो अन्तर्राष्ट्रिय लगानी सम्मेलन–२०२४ भव्य रुपमा सफल भएको...
काठमाडौं- विगत चौबिस घण्टामा २२ जिल्लाका ६७ स्थानमा डढेलोले क्षति पुगेको छ...
इलाम– इलाम–२ मा मतगणनाको पछिल्लो परिणाम अनुसार नेकपा एमालेका सुहाङ नेम्वाङले ११...
काठमाडौं– फेशन नेटवर्क नेपालले नेपालमै पहिलो पटक तीन दिने ‘नेपाल फेसन फेस्टिभल’...
What you may anticipate when dating local bi-sexuals When dating local bi-sexuals, it’s...
Are you currently worried your partner...
काठमाडौं- नेपालले आगामी महिना अमेरिका र वेष्टइण्डिजमा हुने आईसीसी टी–२० विश्वकपका लागि...
काठमाडौं– अर्थमन्त्री वर्षमान पुनले तेश्रो अन्तर्राष्ट्रिय लगानी सम्मेलन–२०२४ भव्य रुपमा सफल भएको...
काठमाडौं- विगत चौबिस घण्टामा २२ जिल्लाका ६७ स्थानमा डढेलोले क्षति पुगेको छ...