बेइजिङस्थित रनमिन विश्व विद्यालयमा चीन–नेपाल सांस्कृतिक प्रवद्र्धन गर्ने उदेश्यले हिमालय अन्तर्राष्ट्रिय सांस्कृतिक मञ्च शीर्षकको कार्यक्रम आयोजना गरिएको छ । जुलाइ १५ मा आयोजित उक्त कार्यक्रममा चीनका विभिन्न क्षेत्रका विद्वानहरुले चीन र नेपालाई हिमालय संस्कृतिले अझ नजिक बनाएको भन्दै विश्व सांंस्कृतिक आदान–प्रदानमा हिमालय संस्कृति अद्वितिय र अतुलनीय रहेको बताए । प्रधानमन्त्री केपी शर्मा ओलीको चीन भ्रमणपछि ट्रान्स हिमालय मल्टिडाइमेन्सनल कनेक्टिभिटी नेटवर्क अवधारणामा नेपाली दूताबासले श्रृंखलावद्ध कार्यक्रमको आयोजना गर्दै आएको छ । दुताबासले आयोजना गरेका विभिन्न कार्यक्रममा उपल्लो स्तरका चिनियाँ अधिकारीहरुले आफ्ना धारणा राख्दै यो विषयमा चिनिया“ चासो रहेको कुरालाई पुष्टि गर्दै आएका छन् । कार्यक्रम नेपाली दूतावास र रनमिन विश्वविद्यालयको रिनान्सान्स इन्स्टिच्युटले संयुक्त रुपमा आयोजना गरेका हुन् ।