श्रम सम्झौताको सम्भावना

-- नेपाली टाईम्स अष्ट्रेलिया ?>

मलेसियाले नेपालसित निकट भविष्यमै श्रम सम्झौता गर्ने जनाएको छ । संसदमा बोल्दै मलेसियाली प्रधानमन्त्री महाथिर मोहम्मदले उक्त जानकारी दिएका हुन् । उनले बंगलादेशसित यसअघि भएको जस्तै नेपालसित पनि छिट्टै सरकारी स्तरमा श्रम सम्झौता गर्ने संसद्मा जानकारी दिएका हुन्  । संसद्को विशेष समितिमा विदेशी कामदारबारे छलफल भएको थियो । प्रधानमन्त्री महाथिरले सबै स्रोत मुलुकबाट कामदार लिन र उनीहरूको व्यवस्थापन गर्न साझा नीति अवलम्बन गरिने बताएका छन्  । उक्त नीति कस्तो हुने भन्नेबारे मलेसियाली सरकारले केही खुलाएको छैन । मानव संसाधनमन्त्री एम कुला सेगरनले समेत नेपालसित चाँडै श्रम सम्झौता हुने बताए । मलेसियाका मानव संसाधन मन्त्री सेगरनले पनि नेपाली कामदारका विषयमा पनि नेपाल सरकारसंग सरकारीस्तरमा श्रम सम्झौता गर्न चाहेको बताएका छन् ।