नेपाली जोड्न एप

-- NTA REP. / प्रकाशित मिति : आइतवार, असार ५, २०७३

विश्वभर रहेका नेपालीलाई एक–अर्कासँग जोड्ने उद्देश्यका साथ ‘कनेक्टिङ नेपाली एप’ तयार पारिएको छ । यो एपले विश्वभर रहेका नेपालीहरूबीच सहयोग आदान–प्रदान गर्न सहयोग गर्नुका साथै एक–अर्कालाई जोड्ने काम गर्छ । यो एपमा आफ्नो इमेललाई आइडी बनाएर पासवर्ड प्रयोग गरी एकाउन्ट बनाउन सकिन्छ । त्यसपछि आफ्नो प्रोफाइल बन्छ र त्यसैले उपयोग गर्न सकिन्छ । यसमा भएको मनी ट्रान्सफर फिचर प्रयोग गरेर विश्वभर सुरक्षित तरिकाले पैसा पठाउन सकिन्छ । यसको न्यूज सेक्सनमा गएर विभिन्न समाचार अपडेट गर्न सकिन्छ । यसमा ग्रुप बनाएर च्याट गर्न अथवा अन्य विभिन्न कार्यसमेत गर्न सकिन्छ । गुगल प्लेस्टोर तथा आइओएस दुवैमा उपलब्ध यो एप्स नि:शुल्क डाउनलोड गर्न सकिन्छ । यसको निर्माण सुबिनपारा इन्फोटेक इन्कले गरेको हो ।