भर्खरै सम्पन्न १२ औ दक्षिण एशियाली खेलकुद (साग) अन्तर्गत फुटबल खेलमा उत्कृष्ट पर्दर्शन गर्दै स्वर्ण पदक जित्न सफल भएकोमा खेलाडी प्रशिक्षकलागएत सबैलाई एनआरएनए अस्ट्रेलियाले हार्दिक बधाई तथा शुभकामना व्यक्त गरेको छ ।
एनआरएनए अस्ट्रेलियाका अध्यक्ष सुरेन्द्र सिग्देलले एक बिज्ञप्ति प्रकाशित गरि लामो समय पछि नेपाल र नेपालीको शिर ऊचो बनाउदै यो सफलता चुम्नका लागि दिन रात खट्ने खेलाडी, प्रशिक्षक र सम्बद्द संस्थाहरु सबैलाई कृतज्ञता व्यक्त गरेका छन् । बिज्ञप्तिमा एनआरएनए अस्ट्रेलिया बिगतमा जस्तै नेपाली खेल, संबन्धित संस्था र खेलाडीहरु संग बिबिध सहकार्यमा सधै जोड दिदै सहयोग र सदभाब सधै कायम रहने बताईएको छ।
यस अगाडी नै एनआरएनएका केन्द्रिय अध्यक्ष शेष घलेले पनि एक बिज्ञप्ति प्रेषित गर्दै १२ औ दक्षिण एशियाली खेलकुद (साग) मा नेपालको शिर उचो राख्दै पदक बिजेता सबै खेलाडीहरु, प्रशिक्षकहरु र सम्बद्द संस्थाहरुलाई बधाई तथा शुभकामना व्यक्त गरेका छन् । बिज्ञप्तिमा एनआरएनएले बिगतमा गरेका सहकार्यहरुलाई निरन्तरता राख्ने प्रतिबद्दता सहित उतरोतर प्रगतिको कामना गरेको छ ।